Page 28 - MIN VOS

ORANJESTAD (AAN): — Net prome cu Diario a cera corant, Diario Deportivo a ricibi

informacion cu e Directiva di SV Deportivo Nacional despues cu a reuni conhuntamente
cu nan Abogado riba e puntonan cu nan a ricibi for di AVB pa locual ta trata e protesta
cu SV Dakota a entama contra Nacional, directiva a opta pa hiba e caso pa comision di
beroep, mirando cu e puntonan den e protesta directiva ta haya esaki puntonan no

valido.

Algun punto cu AVB mes mester a trata cune na mesa na momento cu nan tabata trata
e protesta.

Awo ta toca turno na SV Deportivo Nacional pa nan proba cu papelnan di nan
hungadornan tabata y ta na ordo, y na ningun rato nan a hunga cu hungador ilegal.
Diario Deportivo lo elabora mas riba e caso aki den nos proximo edicion.

Diario Deportivo su opinion ta cy ora cu nos a scucha e puntonan di protesta, nos
mester menciona cu ta lastima cu nos ta den Aña 2017 y ainda AVB ta operando
manera Flintstones.

Con ta posibel cu AVB no ta digitalisa? Con ta posibel cu papelnan ta perde di
hungador? Con ta posibel? Manera nos a anuncia, den nos proximo edicion Diario
Deportivo lo amplia mas den e caso aki, y sigur algun dede lo wordo bati.