Page 39 - AVP

*Oposicion cu atake personal feroz contrincantenan y husticia

ORANJESTAD (AAN) — Na 2019 Parlamento di Aruba mester a funciona na e nivel mas
halto posibel pa asina duna su sosten na esfuersonan pa proteha e autonomia

financiero di Aruba. E prioridad di oposicion sinembargo tabata basa riba baha
gobierno y pone AVP atrobe na poder.

Oposicion den Parlamento a conoce su nivel mas abou den historia pa diferente motibo.

Na prome luga, Mike Eman a sigui trapa riba decision di pueblo y a keda riba baricada
for di cual e tabata agita contra gobierno, husticia y autoridad na Aruba.

Den un situacion sin antecedente den historia politico di Aruba, Mike Eman a nenga di
drenta Parlamento y a nenga di asumi su responsabilidad como lider di oposicion a base
di e cantidad di voto cu el a acumula pa su persona durante eleccion 2017.

Cu tur clase di pretexto invalido, Mike Eman a nenga di uza e instrumentonan oficial cu
pueblo a pone den su man den eleccion, pa e por a keda activo pafo di Parlamento y
trata na baha gobierno cu obviamente tabata su prioridad pa 2019 mientras Aruba
tabata lucha pa sobrevivi e condicionnan dificil cu el a crea.

E nivel di oposicion den Parlamento a wordo simbolisa pa atakenan sumamente baho
dor di miembronan di Parlamento riba nan contrincantenan politico.

Miembronan di AVP a duna inicio na un campaña di lodo nunca bisto na Aruba, cu a
conoce oposicion sumamente pisa, pero no un nivel manera Aruba a conoce na 2019.

Acusacionnan personal serio a wordo lansa contra contrincantenan politico, cu a wordo

acusa di crimen horibel den cual mucha inocente a wordo lastra sin piedad.

Den ausencia di Mike Eman den Parlamento, Marlon Sneek a fungi como lider di
oposicion cu a laga un sabor sumamente amargo atras.

Ademas tabata bisto cu Oposicion a nenga di uza e armanan cu e tin como miembro di
Parlamento pa investiga acusacionnan cu nan tabata lansa.