Page 46 - AVP
P. 46
FTA kier reuni cu premier Wever awe
ainda riba CITGO
Posted on 12/30/2019 2:29 pm AST | Updated on 12/30/2019 2:32 pm AST
ORANJESTAD – Sindicato Federacion di Trahadonan di Aruba (FTA) su
presidente Hubert Dirksz a solicita un reunion urgente cu prome minister Evelyn
Wever Croes pa awe dialuna ainda, 4pm. E topico ta e incertidumbre laboral cu tin
pa loke ta e trahadonan di CITGO. E carta, cu noticiacla.com tin den su poder, ta
mustra cu e motibo di e reunion ta pa ‘garantisa paz laboral na e refineria y
terminal di transferencia di combustible’. Sindicato kier ‘evita escalacion’ di e
tension, pero ta bisa cu no por haci mucho sin tin claridad di parti di gobierno.
CLARIDAD?
Di parti di gobierno, premier Evelyn Wever a bisa e portal aki awe mainta, cu gobierno
no tin claridad riba e tema. De hecho, ta e fin di siman aki nan a tuma nota di e carta cu
trahadonan di e refineria a haya. Y mucho nan no por haci sino solamente sigura cu e
