Page 52 - HOH October 17 2020
P. 52
E campaña ta encera pa bo persona cambia di bo botica actual pa Botica di Servicio. Ora
bo persona haci e cambio pa Botica di Servicio bo lo por scoge un di e cuater regalonan
aki; un giftset di Rituals, un gift certificate di 30 AWG, tabletanan di A.Vogel
Echinaforce of un meter di midi sucu.
Ademas, lo bai tin un rifa unda miembronan nobo y miembronan actual por participa pa
gana premionan manera un iPhone SE, Weekend Stay na Hilton, un cena pa dos 2 na
Hilton, y 5.000 punto di Fun Miles.
Pasa na un di e 4 localidadnan di Botica di Servicio pa yena e formulario di cambio di
AZV prome cu dia 30 di Oktober. Miembronan actual por inscribi ariba e website,
https://boticadiservicio.com/, pa participa pa gana e premionan menciona.
https://www.noticiacla.com/news/20595
Cu aumento di casonan awe atrobe na
Aruba, COVID19 ta keda un reto
Posted on 10/13/2020 3:06 pm AST | Updated on 10/13/2020 3:06 pm AST
ORANJESTAD – Cu 31 caso local positivo di COVID19 diamars na Aruba, ta un
señal cu ainda nos no ta for di peliger ainda. Departamento di Salud a anuncia e
cifranan nobo aki, cu ta mustra cu den 24 ora, e cantidad a bolbe subi di ‘apenas’ 6
caso positivo pa 31 local (1 no residente). Ademas e positivity rate ta sigui halto
(18%) aunke cu e la baha basta. Pa e ta bou di control e mester ta bou di 5%. Pero
pa esey sosode, mester test mucho mas hende. Pero esey no ta sosodiendo, sea cu ta
pasobra no tin interes pa bay test, of cu no tin hende cu ta raportando simptoma.
MAS INFO
Segun e resumen DVG, 60 persona a recupera, total di casonan activo a baha cu 27
persona y ta na 348 awe, total di testnan haci ta 379, testnan haci bou di residentenan na
laboratorio di hospital ta 174. E total di casonan di fayecimento relaciona na Covid-19 a
keda mescos; 32.
HOSPITAL
Hospital ta informa cu tin un total di 13 persona interna di cual 4 ta den cuido intensivo y
9 ta isola riba piso general.
