Page 27 - FLIP KPA

Diasabra Juni 13 2015 Pagina 15

Sospechoso di atraco na Crown a
ser deteni awemadruga pa team di
arresto y atraco team di polis

Despues di cu algun dia

pasa a drenta informe di e

atraco na Crown, mesora e

atraco team a cuminsa cu

nan investigacion ayuda pa

otro polisnan di patruya riba

caya. Despues di un rato

di cu e atraco a tuma lugar

un patruya di Oranjestad

a intercepta e auto usa

pa e atraco banda di e

gallero na Bushiri. Un otro

patruya a bisa di a observa

un conocido di polis den

e auto Honda Fit y cu e a

ser moviendo rond den e

area ey. Pa cual motibo

polisnan a bay na cas di

e sospechoso na Bubali y

a papia cu e sospechoso

cu tabata hopi nervioso

pero na e momentonan

ey tacticamente ela

deshaci su mes di posibel

evidencianan. E oficialnan

di e atraco team no a para

keto y a bay ta haciendo

su investigacionnan

y a bin ta riparando

cierto movecionnan di e

sospechoso y a logra arma

gran parti di e puzzel y cu

un orden di detencion y

buskeda na e percela unda

e ta biba. E team di arresto

a haci su entrada tactico y a

logra detene e sospechoso

G.G. Martina di 34 aña naci

na Curacao, despues e otro

investigadornan a drenta y a

confisca tur e evidencianan.

Posiblemente mas

detencion lo por cay awe of

den e dianan nos dilanti