Page 4 - ROBERT CANDELARIA

ORANJESTAD (AAN): Aruba recientemente a

haya e reconocemento mas halto pa combatimento di traficacion di hende. Aruba a sali
di Tier 2 pa Tier 1. Pa e motibo aki, Premier Evelyn Wever-Croes a reuni cu señora
Jeanette Baars, cu ta encabesa e taskforce aki. E reconocemento a bin di State
Department Mericano.

Loke ta traficacion di hende:

Traficacion di hende ta ora cu un persona cu ta emplea pa un otro persona, cu

basicamente no ta liber pa move manera cu e ta desea. Por ehempel pasobra e no tin
tempo liber, of e mester biba un caminda contra su gusto, of si e doño di trabao tin su
paspoort den su poder, y hasta si ta paga e empleado un suma demasiado abou cu e no
por haci nada otro cu keda depende di e doño di trabao. Na Aruba tambe nos tin e

casonan aki.

Mucha muhernan hoben den prostitucion cu ta worde controla pa un otro hende. “Live
in” cu no tin ningun libertad. Hende hombernan den construccion bou di condicionnan

hopi miserable. Nos ta papia di traficacion di hende ora ta trata di sclavitud moderno. Y
lamentablemente na Aruba tambe nos conoce e casonan aki.

Kico mester a haci pa ricibi e reconocemento aki:

Pa por yega na e rating di Tier 1, e taskforce mester a cumpli cu varios exigencia cu
gobierno mericano ta pone. Entre otro mester tin casonan cu a worde investiga y cu a
conduci na condena. E pais mester tin un shelter pa acapara e victimanan. Tambe

mester tin un entidad separa encarga cu e tarea aki y awor Gobierno pa prome biaha ta
pone fondo separa disponibel pa e tareanan. Den corto: e pais mester demostra cu e ta