Page 4 - AM211112

4 AWEMainta .com
AVP a pidi “kwijtschelding” di debe di Serlimar
Minister “no por” pero a permiti
CITGO bay cu 350 miyon
Durante e reunion publico cu Serlimar diaranson ultimo,
Minister Ursell Arends a mustra cu sin no presenta un
solucion p’e situacion financiero di Serlimar pa 2 di
februari, tur trahador lo perde nan trabou.
Un noticia cu a cay manera un bom pa tanto e
trahadornan y pa henter comunidad, pero cu ta bolbe
confirma cu gabinete Wever Croes, ni e number y
tampoco e number dos aki, tin interes di pueblo na
pecho y cu no tin solucion na bista.
Minister Ursell Arends mes a mustra cu mester
presenta un plan di rescate concreto p’asina por alarga
e ‘surseance van betaling’ te ora cu tin un solucion p’e
compania y e trahadornan.
Fraccion di AVP durante di e reunion aki a presenta un
mocion caminda ta pidi Gobierno pa duna Serlimar y
“kwijtschelding” di e suma di 20 miyon cu e compania
debe gobierno pa asina salba e compania y tambe
trabou di e trahadornan.
Sinembargo Minister Arends a mustra bon cla cu esaki
lo no ta posibel ya cu su persona lo no permiti pa inicia
un tradicion cu no ta hustificabel, pero cu ta algo cu a
yega di pasa den pasado caba pero tur cos ta mustra cu
e Minister no ta realisando e desaster cu lo surgi cu e
compania dal su porta cera.
E mocion di AVP a wordo rechasa p’e Parlamentarionan
cu ta sostene Gobierno cu consecuencia cu e trahadornan
a keda para sin defensa ya cu Gobierno mes no tin placa
ni pa su mes, corda pa Serlimar n’e momentonan aki.
Miembro di fraccion di AVP den Parlamento, Mike de
Meza durante di su disertacion a mustra cu no por
caba di compronde e mentalidad y forma di goberna di
gabinete Wever Croes I y II, mirando kico nan ta haya
bon y kico nan no ta haya bon.
Segun Mike de Meza Prome Minister a permiti e bufete
di abogado di su tata inicia negociacion cu e compania
Mericano, CITGO pa asina kibra e contract cu tabatin
firma cu Aruba, den un decision cu tabata mustra mas
tanto riba un vengansa politico.
Parlamentario de Meza a sigui mustra cu Prome
Minister Evelun Wever Croes a papia di un gran logro
ora cu a logra di kibra e contract cu CITGO, ya cu awor
Aruba ta doño di e refineria atrobe.
Diabierna, 12 November 2021
Sinembargo den su lucha pa triunfa riba un Gobierno
di AVP, Prome Minister no a bisa pueblo cu kibrando e
contact, el a permiti CITGO bandona Aruba sin paga
e suma cu e contract ta stipula di 350 miyon florin
pa incumplimento y obligacion di limpia e tereno di
refineria.
“Aki nos ta mira cu un gobierno cu ta papia cu e tin e
hende na prome luga, ta permiti un compania multi
miyonario Mericano manera CITGO, bandona nos
isla sin cu nan ta paga 350 miyon florin pero awor cu
ta toca un compania di pueblo, cu ta nifica trabou pa
cantidad di tata y mama di famia, awor di repente no
por “kwijtscheld” un debe di 20 miyon florin,” de Meza
a declara den Parlamento.
E hecho cu no a acepta e mocion di AVP ta pone cu futuro
di Serlimar ta den peliger serio ya cu Minister Arends
tambe a mustra cu no tin ningun plan concreto ainda
con lo atende cu e situacion di Serlimar y a confirma cu
e posibilidad ta grandi cu pa dia 2 di februari 2022, e
compania lo bati bancarota.
Un situacion caminda ta casi sigur cu e trahadonan
lo sigui lucha pa nan derecho riba trabou, derecho
pa tin seguridad financiero pa nan mes y nan famia y
segun informacion ricibi, AWEMainta ta anticipa cu
tradadornan lo bay tene varios accion den e periodo di
fin di aña aki.
Riba pregunta di partido AVP riba kwijtschelding di
e debe di e compania, e mandatario a bisa cu bou di
su ministerio, esaki lo no sosode pasobra un supuesto
kwijtschelding lo haci e situacion aun mas pio y ta crea
un precente politico no deseabel. E ta mustra e ora cu
si tin problema den un compania, gobierno semper lo
‘rescata’ esaki di su problemanan. Algo cu no mester
ta asina. Pues por a compronde cu kwijtschelding di e
debe (total di 20 miyon) no ta un opcion pa e minister.