Page 24 - DESPA

sosten na servicio di aplicacion digital, entrante 12 di juni ta disponible riba e website di
SVb un video cu ta duna instruccion paso pa paso con pa haci e aplicacion”.

Carta

Pa loke ta e promocion di e servicio aki, Sr. Jacobs a informa nos redaccion cu SVb ta
bay manda un carta pa tur e ciudadanonan, mas o menos 700, cu e aña aki ta cumpli e
edad di pension.

“Den e carta menciona lo informa e futuro pensionadonan di e servicio nobo di peticion
online y lo suministra un guia di e pasonan pa sigui pa por haci e peticion online”.

Sr. Jacobs ta hopi optimista y ta spera cu un grupo grandi lo haci uso di e manera facil
aki pa yega na nan pension di behes.

Potret di documentonan

No solamente e futuro pensionado tin cu yena informacion, pero lo mester suministra
SVb cu cierto documento tambe.“Nan ta dos documento, esta un prueba di e cuenta di
banco mas un identificacion. E dos documentonan aki por keda suministra digital of por

yena e peticion online y despues pasa laga copia di e documentonan aki na
departamento di Pension di SVb”.Pa loke ta e upload di e documentonan, nos redaccion
a puntra sr. Jacobs si solamente ta acepta un scan di esakinan. E director di SVb a
indica cu por manda un scan of tambe por tuma un potret di e dos documentonan aki y

subi esaki ora ta yena e aplicacion digital. Esaki sigur lo facilita e proceso.E prome
peticionnanFinalizando nos entrevista cu Sr. Jacobs nos a puntra tocante e cantidad di
peticionnan cu ya a drenta SVb mediante e forma nobo aki. Sr. Jacobs ta informa nos,
cu durante e prome 12 dianan cu e servicio aki ta disponible, un total di 7 ciudadano a

haci uso di e servicio aki. Sr.Jacobs ta sumamente satisfecho cu e prome reaccion,
mirando cu ainda e promocion di e servicio nobo aki ta apenas inicia.Sr. Jacobs ta pidi
ciudadanonan cu tin cualkier pregunta tocante e servicio pa tuma contacto libremente
cu Departamento di Pension di SVb na 5272765 of mail na info@svbaruba.org.