Page 22 - 28a24

PAGINA 22 DIARIO DIARANZON 28 AUGUSTUS 2024
Consumidor
mester exigi
factura di tur

servicio pa cual
e ta paga

Por ehemplo, riba recibo
mester tin nomber y
persoonnummer di e
negoshi y number di KvK
ORANJESTAD (AAN) – Direc-
tor di Departamento di Impuesto
(DIMP), Luenne Gomes- Piet-
ers, den entrevista cu DIARIO,
tocante e negoshinan cu no ta
cumpliendo cu registracion y
no ta paga impuesto, a señala cu
comunidad tambe tin un rol den
esaki.
Ora un consumidor ta busca un
servicio cerca un hende, e tin cu
haya un factura. Gomes-Pieters
a bisa cu mester corda bon cu
den ley e factura tin cu pone in-
formacion. Den BBO tambe tin
un esaki poni cu riba e factura,
unda mester tin e nomber di e
negoshi, e KvK number, e per-
soonnummer di e negoshi riba e
recibo. Si no ta haya recibo esey
caba ta un falta, of ora ta haya
un recibo cu no tin un specifi-
cacion riba e productonan cu e
consumidor ta busca y tin biaha
tin challenge den minimarket,
etc., unda tur cos ta cay den un
genero di groceries, anto e con-
sumidor no por identifica si ta
un pan kipashi, of un man di
bacoba, un paki lechi, etc., el
a cumpra. Dus, e ta un respon-
sabilidad mutuo, director di
DIMP a acentua.
El a bisa cu no mester keda
keto tampoco, pasobra si e con-
sumidor keda keto, no exigi
un factura, e tambe ta parti di
e problema. Den marketing
bo por mercadea un producto,
pero na final e consumidor kier
un factura di e servicio cu el a
haya, cu ta inscribi na Camara
di Comercio, etc.
Gomes-Pieters a comenta cu
DIMP tin un situacion di KvK
mirando cu e 'inzage' cu nan ta-
bata tin den e registro di KvK
ta cera. DIMP ta bezig cu nan
p’asina ey nan por yega na un
acuerdo pasobra esey ta un fu-
ente di informacion hopi im-
portante, no solamente pa esnan
eyfo cu kier dobel check si e ne-
goshi ey ta registra of no, pero
tambe pa departamentonan tra-
ha hunto p’asina cera buraconan
cu por tin den e proceso.
“Si un negoshi ta registra na
KvK e lo mester ta registra cerca
nos y si e ta registra cerca nos, e
mester ta registra na KvK. Dus,
e ta un situacion di ‘win-win’
unda cu Camara di Comercio
y Departamento di Impuesto,
ta beneficia di dje”, Luenne
Gomes-Pieters a señala.