Page 41 - MIN TTC 24 MAART 2016

10 AWEMainta Diahuebs, 24 Maart 2016

Nos bishitantenan awor ta mihor informa den
nos centro di ciudad

Prome borchinan di
direccion instala den
Oranjestad pa sigui
eleva Producto Aruba

MINISTER Otmar Oduber recientemente a haci un inspeccion di algun

borchi ubica den nos centro di ciudad pa guia nos bishitantenan. Despues
di a plania pa un aña pa un aña y mey pasa e proyecto awor ta yegando su
etapa di culminacion.
Ta trata aki di un proyecto di borchi cual ta cuadra cu e inversionnan haci
den nos centro di ciudad. E borchinan lo sostene nos centro di ciudad cu
instruccionnan specifico con pa yega den nos caya principal y tambe e otro
atraccionnan den nos centro di ciudad manera e.o. e museonan.

Minister Oduber ta indica cu e borchinan t’ey pa sostene e tiendanan di caya
grandi pa di un forma hopi mas facil guia pasaheronan crucero, pero cualkier
un di nos bishitantenan cu no conoce nos centro ciudad.
E borchinan ta strategicamente situa. E borchi a keda compara cu un guia
manera den centronan comercial grandi cu ta indica unda specificamente
bo ta y con pa yega na e destinacion desea.

P’esaki por funciona debidamente a percura pa tambe pone tur e nombernan
di caya di nobo p’e bishitantenan por mobilisa facilmente den nos centro di

ciudad. Adicional na tur esaki a percura cu na skinanan
den areanan specifico tambe bin indicacionnan
pa guia e turistanan. Sr. Oduber ta menciona cu e
indicacionnan ta pa p.e. e museonan, Cosecha, Caya
Grandi, pero tambe con pa yega bek waf.
E ta un inversion di Oficina di Turismo pero cu a conta
cu sosten di e.o. Ministerio di Turismo, DOW, DIP y
Ministerio di Infrastructura.
Minister Oduber ta contento cu porfin e borchinan aki
a keda instala y ta felicita Aruba cu un biaha mas por