Page 2 - flip

AZV Baby Lunah por bay Colombia si e
hospital acepta pa tume

Posted on 02/10/2016 5:36 pm AST | Updated on 02/10/2016 5:39 pm AST

ORANJESTAD – Manera NoticiaCla.com a raporta mas prome den dia, baby
Lunah ta preparando pa bay den exterior pa busca ayudo medico extra pa su salud.
Mientrastanto awe tardi AZV a informa pa medio di un comunicado confirmando e
biahe di baby Lunah. Pero hunto cune un splicacion bou cua condicion esaki lo
sosode.

PRECUPACION PA BABY LUNAH

Segun AZV, siman pasa a tuma nota di e preocupacion cu ta reina bou di hopi ciudadano
tocante baby Lunah, kende a nace mentalmente y fisicamente handicap (y cu
complicacionnan adicional) como tambe e pregunta si e baby lo mester bay exterior pa
ricibi tratamento medico. AZV ta sigura cu e caso di e baby aki ta hayando tur atencion.
Entre tanto a ricibi e opinionnan medico di expertonan di Hulanda como tambe di
Colombia.

RIESGO PA BABY LUNAH

E pediatra nan local ta di opinion cu un operacion den caso di baby Lunah ta trece
demasiado riesgo cu ne y kier trata e baby cu remedi. Den e opinion aki, e pediatra nan di
Aruba ta wordo sosteni door di e expertonan di Hulanda. E operacion mes no ta uno
complica sin embargo den e situacion delicado cu e baby Lunah ta, e baby ta wordo
exponi na riesgonan hopi halto. E miedo di e docternan ta cu e baby lo no sobrebibi e
operacion.

MAYORNAN TA RECHASA TRATAMENTO CU REMEDI

E mayornan ta nenga rotundamente pa duna aprobacion pa e tratamento cu remedi y ta
para riba cu nan yiu muhe mester wordo opera na Colombia. Awemerdia AZV a sinta y
papia cu e mayornan di e baby pa splica e proceso di cuido medico den exterior. E
intencion ta pa e baby haya su cuido medico den exterior. AZV a manda tur informacion
di e baby pa Fundacion Valle de Lili na Cali, Colombia.

PENDIENTE CONFIRMACION

Mas cu claro AZV ta pendiente di e clinica pa nan confirma si nan ta tuma e baby pa
evaluacion. E mayornan a wordo informa di e intencion di AZV. Na mes momento e
mayornan a haya e oportunidad pa haci pregunta y a firma un declaracion cu ta splica e