Page 72 - flip

40 Djaweps 11 Febrüari 2016

MADURODAM TA SELEBRA 100 AÑA
NASEMENTU DI GEORGE MADURO

DEN HAAG.- Na
Ulanda, e parke
Madurodam ta selebrá e
di 100 aña di nasementu
di George Maduro
na kende e parke di
“Ulanda” na miniatura
ta ser yamá i dediká.
Tambe tin un kantidat
di aktividat relashoná
ku e fecha nasementu di
Maduro.

Madurodam a haña
e nòmber di e héroe di
guera kurasoleño George
Maduro

(1916-1945). Riba e
fecha ku e ta hasi aña
ku ta 15 yüli, lo publiká
un buki di dje. Tambe lo
desvelá un estatua riba
un plenchi dilanti di e
suidat miniatura na Den
Haag.

E Komité ulandes
Dachau lo duna
rekonosementu durante
di su charla anual dia
21 di aprel próksimo
riba e bida di Maduro ku
a fayesé den kampo di
konsentrashon aleman.

Manera indiká ariba,
Maduro a nase na Kòrsou
i a keda kria aki t’e na
momentu ku el a disidí
bai studia lei na Leiden,
Ulanda.

Na 1940 el a bringa
den guera mundial na
Oropa.

El a bringa ku hopi
fervor durante di e
atakenan na Rijkswijk.
P’esei na 1946 el a
haña un rekonosementu
póstumo komo “Ridder
4e klasse der Militaire
Willems-Orde”.

Maduro ta e úniko
ulandes di desendiente
Antiano/Kurasoleño ku a
haña e distinshon aki.

Durante di e guera, e
“nazi nan” a gar’é i el a
fayesé den Dachau.

E mayornan di Maduro
a regalá un kapital pa
inisio di e suidat di
miniatura komo meta di
un rekonosementu bibu di
nan yu.

Na 1952 Madurodam a
habri su portanan.

Ya kaba alrededor di 60
mion hende di tur parti di
mundu a bishitá e parke
di atrakshon aki na Den
Haag.

E ganashi anual di
entre 600 mil i 1 mion euro
ta bai pa un bon kousa pa
muchanan.