Page 8 - WEB
P. 8
No tin ningun problema entre WEB y FMSA
June 17, 2017
24
ORANJESTAD,–Por a tende den e dianan aki cu tabata tin cierto diferencianan
di pensamento entre WEB y FMSA tocante Fuel Oil. Alvin Koolman, director di
Refineria di Aruba, a splica cu e no ta na altura di cualkier problema. E parti di
calidad y suministro di Fuel Oil ta bay bon. Awor aki ta den e negociasion di e
contrato, pasobra WEB nunca a firma un contrato cu FMSA. A tuma over e
contrato di fuel oil cu Valero tabata tin, antes Valero Marketing tabata
suministra gasolin, diesel y jetfuel. E parti di fuel oil di WEB tabata refineria di
Valero. Ora cu firma contrato cu e parti ey, a cay bao di FMSA, pero nunca
tabata tin un areglo cu WEB. Pesey tin un negociasion cu WEB. Pero cu tin un
problema entre WEB y FMSA, no tin.
Koolman a sigui splica cu e parti di negociasion ta andando awor aki, pero no tin nada cu tin un
diferencia di opinion. Siman pasa tabata tin un reunion y awor aki ta wardando riba WEB pa por
finalisa e contrato.
