Page 37 - Djasabra 25 november 2017.pdf

Djasabra 25 Novèmber 2017 41
Curoil a kaba di establesé ‘Curoil St. Maarten’

Curoil ku strategia di kresementu

WILLEMSTAD.- Ayera pa prensa a presentá nan kompania a krese pafó di
Curoil durante agasaho vishon i tambe kon e Kòrsou. Direktor di Curoil,
Sr. dr. Yamil Lasten a amplia
riba diferente punto ku ta
di vital importansia pa e
strategia di kresementu di
Curoil.
Komo kompania di
gobièrnu ku a kuminsá
ku su operashon na 1985,
Curoil a sa di dal pasonan
firme den progreso i
desaroyo di e kompania.
Curoil tin su operashon riba
islanan ABC ku ta duna
servisionan di “bunkering”,
aviashon, “tankleasing” i
distribushon di produkto
petrolero pa merkado lokal
i internashonal usando
diferente método di entrega.

Desaroyonan den
merkado, manera merkado
lokal saturá, desaroyonan
riba tereno di energia
alternativo, invershonnan
mionario pa renobá
infrastruktura, retonan
impaktante, obligashon
finansiero na Akshonista,
preis instabil di produkto
petrolero i hopi mas, a
motivá Curoil pa revisá
i adaptá strategia di
kompania.
Na 2013 Curoil a inisiá
un trayekto stratégiko pa
desaroyá un vishon nobo
kaminda posishon di Kòrsou
den Karibe ta pará sentral,
“Curoil ta e eskoho preferí
entre e mihó provedornan
di produkto i servisio
energétiko, miéntras ta
krea balor duradero pa
nos partidonan di interes i
komunidatnan kaminda ta
operá.”
Sr. dr. Lasten a anunsiá
ku Curoil a kaba di establesé
‘Curoil St. Maarten’. Awor
Curoil ta wak si ta solamente
servisio di “bunkering”
ta bai duna òf lo bira algu
igual na Kòrsou.
Basá riba e vishon nobo
di Curoil, Curoil a stipulá un
trayekto pa logra esei di kual
strategia pa kresementu ta
na promé lugá. Posibilidat
di depósito di tanki ku
kapasidat di 16 mion
barí di krudo na Kòrsou -
konsistiendo di tankinan
di Curoil, di Refineria Isla i
na Bullenbaai), ubikashon
di islanan ABC ku ta ideal
pa ku konsentrashon di
tráfiko marítimo, Curoil su
ret amplio ku gran kantidat
di proveedor di produkto
petrolero, ta algun di e
faktornan ku ta fasilitá e
realisashon di strategia di
kresementu.