Page 15 - BNDIA ARUBA

A15
HENDE Diamars 24 December 2019

“A Touch of Aruba” show a celebra su di 4 aniversario

ORANJESTAD –Diahuebs ultimo “A Touch of Aruba”
a celebra su di 4 aniversario. Esaki a tuma luga na The
Plaza na Divi Village Golf & Beach Resort caminda cu
Sweet Pan Music a duna un show.

E show aki ta uno hopi bunita y gusta, un show cultural cu
bailenan tradicional, folklorico, presenta pa Nico Connor
y N.L.G. Dancers bou direccion di Marisol Peña, pero pa e
anochi special aki Nico Connor a wordo acompaña pa su ru-
man Lee Connor. Paula Engelen a fungi como maestra di cer-
emonia y Andy Berkel tabata e DJ pa e anochi. E celebracion
tabata tin su toke di Pasco unda rumannan Connor a sa di laga
e cancionnan bunita di Pasco resona riba nan steelpan, por
cierto un tremendo presentacion. E show di baile presenta pa
N.L.G. dancers tabata fabuloso. Durante e celebracion tabata
tin presentacion di dos cantante invita, e hobencito Christo-
pher Croes a duna un bunita presentacion y Lloyd Baptist a sa
di entretene e publico presente cu un variacion di cancionnan.
A nomina dos bailarina y un bailarin pa nan dedicacion re-
marcabel na “A Touch of Aruba”

show cu ta Dennely Franken, Shanique Brown y Klinsmann
Aristizabal y nan a ricibi un certificado y e ganadora Dennely
Franken cu a ricibi un Award di parti Nico Connor y Paula
Engelen Sweet Pan Music.

Na final di e anochi Sr. Stanley Dabian Relacionista Publico
di Departamento di Cultura a duna un bunita speech felici-
tando un y tur di ‘A Touch of Aruba’ show y gradiciendo nan
pa nan aporte na Cultura di Aruba.