Page 46 - MIN VOS
P. 46
Miss World Anouk Eman cu un evento 27 di
Augustus
August 15, 2017
193
ORANJESTAD(AAN): Recientemente Anouk Eman, Miss World Aruba 2017 a informa
su proyecto di genera fondo, cu e mester organisa en coneccion cu su participacion na
Miss World Aruba 2017.
Anouk tin un afeccion pa muchanan cu Autismo y tambe a studia den e area aki
y tin un Master’s Degree den ‘Early Intervention in Autism’; cual ta ensera cu e
por detecta e muchanan cu Autismo den e añanan mas crucial (for di edadnan
jong); pa e motibonan aki el a scohe pa yuda e Fundacion AutismoAruba (FAA)
pa genera fondo pa e Fundacion y asina yuda nan pa logra nan metanan.
Autismo poko poko a wordo acepta y reconoce como un ‘disorder’ y e no ta un
berguensa mas cu un mucha tin Autismo manera antes. FAA ta hasiendo
tremendo trabou concientisando mayornan y educadornan con pa atende cu
mucha nan cu ta cai den e spectrum.
Tambe tin un Centro di Autismo priva ‘Brighter Future’ cu un terapista, cu ta
yuda e muchanan cu Autismo pa nan por ta independiente.
