Page 27 - AAA

Situacion di tempo na Aruba ta loke tabata di tormenta
tropical Don

Wednesday, 19 July 2017 21:20
1

Comparti

Nos a combersa cu Marck Oduber, kende ta director di Meteo. Tempo a cera y awa a cay pa parti di
diaranzon merdia. El a splica cu e tempo ta loke tabata di e tormenta Tropical Don.
Don tabata oost di Caribe, pero el a debilita bira un ola tropical. E ola tropical ta pasando den nos
vecindario cu airenan mas humedo y instabil. Pesey ta hayando yobida for di mainta tempran. Un total te
asina leu 4 milimeter a cay. Na Sero Blanco a cay 6 milimeter y na Hadicurari 3 milimeter. A calcuna cu e
yobida lo keda on en of.
E parti mas fuerte a cay prome cu 12’or di merdia, pero despues di esey, awa ta yobe, para un tiki, a keda
tiki nubla y mas den oranan di anochi laat of den marduga, tin tiki mas chens di awasero.
Ta algo cu tabata premira y a saca e pronosticonan basta delanta caba. Den fin di siman tabata informa
tur hende di loke tabata posibel tormenta tropical Don y cu por a debilita bira ola tropical ora cu e yega
den nos vecindario.
Kico mas por spera
Nos ta den temporada di horcan y manera semper Meteo ta bisa, Aruba ta den e faha di horcan. Esey ta
nifica cu tur temporada di horcan nos mester ta prepara. Si mira caba, tabata tin dos sistema tropical cu a
menasa isla di Aruba cu nan a kibra bira debil, ola tropical, esey no ta nifica nada. Ta yega un ora cu e no
ta kibra. E ora si bo ta haya bo mes cu problema cu e sistema aki. Bo mester ta prepara y Aruba ta den e
faha di horcan y bo por haya cu otro ola tropical ta afecta e isla mas biaha.
Aruba trankil
Awo pa fin di siman, awe ta mas chens pa awasero pa parti diahuebs mainta. Despues di esey e chens di
yobida ta mengua un tiki.