Page 27 - AVP

E solo hecho cu e brug ta existi, ta contra Constitucionnan di Aruba y di Reino, cu ta
garantisa e bienestar di e Arubiano.

Gobierno y tur instancia di Gobierno tin e deber pa proteha e ciudadano hasta si mester

proteha e ciudadano contra su mes.

Ta den e cuadro legal ta wordo permiti na autoridad pa kita rijbewijs for di un
chauffeur, duna un persona burachi riba caminda publico un chens pa recupera den cel

di warda di polis y hasta pone un ciudadano bou curatela si e no por percura pa su
bienestar.

Na nomber di Pueblo un mayoria absoluto den Parlamento a duna gobierno anterior e

aprobacion pa bay construi un brug pa un suma increibel. E brug aki mester a honra tur
medida di siguridad.

Den nos tempo moderno cu no ta core burico mas pero vehiculonan di motor, no por

pretende cu no a tene cuenta cu e tradicion di hopi automobilista cu ora nan haya
caminda liber, ta pasa e velocidad maximo.

Un ciudadano lo no pensa mes, cu e ta wordo condena na morto si e pasa e velocidad

maximo di 80 kilometer pa ora cu por ta menos si tene cuenta cu peso di vehiculo cu
tambe ta hunga un papel ora topa cu un vangrail cu no ta soporta e peso di un
vehiculo.

E contesta cu pueblo a ricibi ayera ta inaceptabel y mester bira e prome contesta cu
pueblo ta rechasa den proyectonan caminda empresanan cu a bira partner comercial di
gobierno anterior, a gasta sumanan enorme pa pueblo paga awe.

Pueblo no por paga pa su propio condena. Pueblo no por paga pa un brug cu un
ambulance cu ta hiba un pashent hospital, tambe mester por pasa sin tene miedo cu e
ta cay den abismo.

E rapportnan di Algemene Rekenkamer Aruba, autoridad maximo financiero, ta loke
DIARIO ta uza pa bini dilanti na interes di Pueblo. Un patruya di Polis cu ta persigui un
criminal por cay den abismo? Di kico nos ta papia mas ainda si un persona accidenta