Page 50 - AVP
P. 50
ORANJESTAD (AAN): Dellanire Maduro
recientemente a caba di huramenta como Parlamentario y Diaranzon durante un
conferencia di prensa di su partido POR, el a hiba palabra.
“Mi kier a gradici tur hende pa e bunita palabranan di bon bini”.
“E ta un honor pa mi persona tuma e rol aki over y como un hoben profesional esaki ta
un posicion sumamente importante pa e futuro di nos pais”.
“Mi ta contento di forma parti di partido POR, den cual e hobennan ta hunga un rol pa
futuro di nos pais”.
Esaki segun Maduro, kende a bisa tambe cu for di e momento cu a traha e programa di
POR, tabata tin diferente punto cu a pone enfasis riba dje, despues cu a sinta cu
diferente instancia y hende den comunidad, cu a trece dilanti preocupacionnan y
ideanan cu e partido por traha riba dje.
“Mi enfoke sigur ta riba salud, pero tambe riba medio ambiente”.
“Mi ta bay enfoca riba AruBIG cu ta e manera con pais Aruba mes a determina con nos
ta reconoce nos dunadornan di cuido”.
“No solamente e mediconan, sino tambe e boticarionan, dentistanan y enfermeronan,
cu tin un rol hopi importante den cuido”.
“Nos tin cu structura esaki y a hasi e ‘invulling’ necesario, pa nos por tin un control
propio riba esaki”, segun Maduro.
