Page 6 - AVP

Parlamentario di fraccion di AVP Robert Candelaria ta considera e trabaonan aki
importante pa motibo cu aki ta trata un cambio legal pa Aruba, Curaçao y Sint Maarten.
Profesor Den Doelder y su ekipo di profesionalnan na Aruba, Curaçao y Sint Maarten ta
traha pa yega un ley penal cu lo mester worde trata den e 3 Parlamentonan.

“Esaki ta algo cu sigur mi ta aplaudi, pa motibo cu mi ta convenci cu nos islanan mester
colabora mas tanto cu ta posibel cu otro den combatimento di criminalidad. Ora cu nos
leynan di Procedimento Penal, cu ta regla kico un polis, un fiscal y hues comisario por

haci y kico e no por haci den cuadro di su trabao ta mescos riba tur e islanan, e ta haci
colaboracion entre instancianan hudicial hopi mas facil.”

Den tempo di campaña, segun Candelaria, el a splica cu Aruba mester haci hopi mas

esfuerso pa traha hunto cu e otro islanan Hulandes pa combati criminalidad. Mescos cu
den e mundo medico esaki a cuminsa tuma luga entre e islanan, “nos como paisnan
ruman, mester inventarisa con cada pais por inverti den cierto specialismo p’asina cu
menos placa nos por comparti experticio cu otro na bienestar di nos siguridad. Tambe

mi ta kere cu esaki lo yuda engrandece e imparcialidad y profesionalismo di nos cadena
hudicial ora nos traha mas cerca cu otro. Nos cuerponan por comparti trahado,
conocemento y experticio hopi mas facil cu otro, ora nos base legal ta identico of casi
identico.”

E Ley di Procedimento Penal ta e ley cu ta regla e cuadronan con pa haci investigacion,
y tambe e ta stipula e derecho- y obligacionnan di tur cu tin un rol den investigacion. E
proposicion di ley nobo aki ta den su fase final pa por worde trata. A cuminsa traha riba

dje na aña 2013. Awor despues di hopi deliberacion y preparacion e ta casi cla pa
worde trata den Parlamento di Aruba. Curaçao y Sint Maarten tambe ta casi cla pa e ley
por worde trata.

E ley aki originalmente ta data di aña 1914 y e version nobo ta encera hopi cambio,
compara cu e ultimo biaha cu a revisa e ley na aña 1997.

Algun ehempel ta cu: E victima ta haya un rol central den un investigacion; a drecha e

procedura pa compensacion pa e victima ora ta necesario; instancianan por haci uzo di
tecnologia moderno den caso di por ehempel interogacion y tambe a regla miho con pa
haci uzo di DNA den investigacion; a tene cuenta cu cambionan den hurisprudencia
Europeo cu ta conta pa nos tambe; e duracion di detencion y prolongacion di detencion