Page 19 - AWEMAINTA

AWEMainta Diamars, 31 October 2017 19
pagina 18 y 19

FOR di tempo cu Paseo Herencia a cuminsa opera 10 aña
pasa, nan a festeha e fiesta di Halloween y cu orguyo nan por
bisa cu esaki ta di 10 aña consecutivo cu e fiesta aki ta wordo
celebra. Diasabra ultimo e evento grandioso a tuma lugar y for
di prome cu 6’or caba por a nota hopi mucha y mayor bisti
y cla pa ‘trick or treat’ n’e diferente restaurant y tiendanan.

Manera semper Paseo Herencia a parti tas cu mangel p’e
muchanan.
Durante di e evento tabatin musica di halloween y sin laga
afo MC Julisa Dijkhoff cu a duna tur mucha un bon bini n’e
anochi festivo aki.
Diamond Dance Group tambe a duna un tremendo presenta-
tion di canto y baile y publico a gosa masha hopi mes.

Na final di e anochi, staff y personal di Paseo Herencia a
elegi e ganadornan di Cutest Costume, Best Costume y Most
Creative Costume.
Cutest costume a keda den nomber di baby Celeste Croes, cu
tabatin un disfras di fairy.
Best costume a keda den nomber di Liam Gomez cu un cos-
tume zuiver di dinosaurio, y most creative costume a keda
den nomber di Keyone.

E aña aki pa prome biaha Paseo Herencia a tene un “carved
pumpkin competition”.
E ganador absoluto di e competencia aki a keda den nomber
di Shelly Brete.

Paseo Herencia ta sumamente contento cu nan evento y ta
felis cu hopi mucha por goza di Halloween 2017 serca nan.