Page 63 - ARUBA BANK

Entrante 1 di Juli awo, banconan tin cu bay cuminsa cobra 6% riba cierto transaccionnan,

manera BBO, BAZV, B-AVP. Segun e presidente electo di Aruba Bankers Association,

Elvin Maduro, den pasado tempo BBO a wordo introduci, banconan no mester a cobra

BBO riba cierto feesnan, transaction fees. Awor esaki no lo ta e caso mas.

Nan tabata cobra riba e safe lockernan, pero awor aki tin cu bay cobra riba closing fees,

transaction fee, transfer fee. Tin cu cobra e 6% riba esey, e ta splica.

Den pasado, segun ley no tabata tin mester pa cobr’e. Contrario awo, e ley nobo si ta haci
cu tin cu cobra e 6% aki. Esaki lo sosode ora cu ta yena un transfer form y ta transfer

placa di un banco pa otro, riba e transfer fee lo bay cobra e 6%. Online awor aki, transfer

na hopi banco ta gratis.

Placa pa gobierno
E placa aki tin cu draag’e over na gobierno. No a haci un calculacion ainda di cuanto e lo

bay ta. Pueblo mester ta na altura cu entrante 1 di Juli di e cambio aki. Tin cu dicidi ainda

cu ta bay cobr’e direct of tin cu wak con ta bay ahusta e feesnan.

Maduro ta splica cu e Asociacion di Banco lo pidi un cita cu minister di finansas. No sa
ki dia ainda, pero ta bezig riba esey pa asina yega na cierto acuerdonan referente e 6%

aki.

E asociacion di banco kier wak kico por haci con tin cu bay pone e cos aki pa e ta mas

ovezichtelijk pa e cliente y tambe tin cu cumpli cu ey, asina ta pa e Asociacion di Banco
por draag e BBO cu ta cobra na gobierno.