Page 72 - ARUBA BANK
P. 72
4 añanan. Fraccion di AVP a nota cu de e proximo 4 añanan Gobierno a tene cuenta cu
un aumento structural den gastonan di personal como tambe aumento structural di
operacion di Gobierno. “Esaki ta algo cu Hulanda no a acepta”, asina Parlamentario di
AVP, mr. drs. Richard Arends a expresa
Inicialmente e FEM a tene cuenta cu un surplus na aña 2021, pero Conseho di Minister di
Reino e rechasa esaki a base di declaracionnan cu Secretario di Estado a haci na salida di
reunion di Conseho di Minister di Reino. Na luga di 4 aña, Gobierno ta haya 2 aña pa
yega na un surplus y esaki ta un reduccion di deficit di 175 miyon florin cu mester logra
den e proximio dos añan. Esaki ta e diferencia entre e deficit di 3% na añ 2018 y un
surplus di 0.5% na aña 2020.
Pa reduci deficit por haci dos cos: gobierno ta opta pa ta aumenta entradanan of ta reduci
gastonan. E suma di 175 miyon ta ekivalente na un aumento adicional di BBO di 3% of
un recorte den gasto personal cu un tercera parte.
Aki dos siman lo mester acorda e Plan di Accion nobo entre Gobiernonan di Hulanda y
Aruba pa logra e surplus den dos aña y asina reemplasa e “FEM”. Parlamento ta ansioso
pa mira kico ta e compromisonan cu Gobierno di Aruba por logra yega na e surplus di
0.5% den dos aña.
