Page 17 - MIN ARENDS

Gobierno no ta contempla pa bin cu

moratorio pa shopping mall

June 7, 2017 Local
Share this:

Minister di Asuntonan Economico Richard Arends

Gobierno a bin cu un moratorio riba supermercado; pero minister di Asuntonan Economico tabata categorico
pa bisa cu pa aworaki su ministerio no tin planea di bin cu otro sorto di moratorio. Manera pa shopping

mall.“Moratorio ta e ultimo remedi cu gobierno por haci pa interveni den actividadnan economico”, asina
minister di Economia, Richard Arends ta declara na Bon Dia Aruba. E contesta aki ta a base di e proposicion

cu Camara di Comercio di Aruba (KvK) a haci pa bin cu un moratorio riba construccion di mas shopping mall
den e area di centro di ciudad of Playa.E ta kere cu nan mester por yega na cierto areglo si pa “no tin un

canibalismo” den e area. Pues den e asunto aki, gobierno lo por tin un rol facilitado den e asunto aki. Pero un
moratorio pa e tiendanan e no tin nada plania. Ya cu como gobierno nan no ta kere cu den tur area mester

interveni cu un tipo di medida drastico asina.Igualmente den medionan di comunicacion a wordo expresa si
gobierno mester bin cu un moratorio tambe pa bar, restaurant, etc. Sinembargo sr. Arends ta haya cu mester ta

hopi cauteloso pa bin cu moratorio riba cierto sector comercial. E ta kere si cu mester bin mas control di parti
di gobierno pa cada ken por atene nan mes na e reglanan existente. Tambe e ta kere cu e consumidor tin un

poder; y e consumidor mes por dicidi unda ta haci su compra.Pa loke ta trata centro comercial cu ta wordo
lanta, nan ta opcion of permiso cu ta existi –segun e mandatario- “pa hopi tempo” y cu ta wordo ehecuta

aworaki. El a laga sa cu gabinete Mike Eman I y II a inverti den area di Oranjestad y den centro di ciudad, ya
cu nan vision ta revitalisa caya grandi atrobe, a pesar di e restonan cu tin existente.El a bisa cu e shopping mall

ta duna opcionnan ora cu otro tienda ta cera den otro areanan di Aruba, dunando oportunidad na e
turistanan. Esaki ta un aspecto –segun e mandatario- cu nos mester tene na cuenta cu ne; ya cu dificilmente

nan por kita e opcion aki pa nos bishitantenan di afo.