Page 5 - MIN VOS SEPT 25, 2015

16 AWEMainta Diabierna, 25 September 2015

Charla di Salud
na Amsterdam
Manor

EN CONEXION cu e siman di celebracion di ‘housekeeping’,

diahuebs dia 17di september 2015 IBiSA a duna un charla riba
salud pa Departamento di Housekeeping di Amsterdam Manor
Beach Resort.

Gerencia a organisa diferente actividad p’e departamento, entre
otro un charla di nutricion y actividad fisico.
Durante e charla sra. Iraida Thijzen, a duna un splicacion di con
pa scoge alimentacion mas saludabel. Kico mester tene cuenta
cune ora di scoge y ora di prepara bo cuminda.
E foyeto di ‘Guia pa un Bida Saludabel’ ta duna un guia con pa
come saludabel y haci actividad físico.

Den cuadra di esaki a papia tocante di e importancia di bebe 7-8
glas di awa pa dia. Banda di esaki a pone enfasis riba productonan
cu ta menos procesa y cu ta mas mihor pa salud. Esaki kiermen
cu fruta y berdura den su forma natural ta mas mihor.
Por pasa cu bo no tin berdura of fruta fresco na man, na un
momento asina lo por haci uzo di berdura/fruta frozen.
Den e caso di fruta lo por uza fruta seco tambe, por ehempel
rasenchi. E forma menos saludabel pa come berdura/fruta ta for
di pot of bleki cu su contenido di salu/sucu ta halto.

A menciona e importancia di pone atencion n’e cantidad/
porcion cu bo
ta come di e
diferente grupo di
alimentacion. Tur
cos bo por come,
pero e mester ta n’e
midi corecto.

Dia 29 di september
ta Dia Mundial di
Curason y a pone
enfasis riba e
factornan di riesgo
pa haya e malesa
aki cu ta: Stress,
huma, bebe alcohol
di mas, presion halto,
colesterol halto y poco
actividad fisico.

Por ultimo a duna 5 tips
pa maneho di stress y a
parti diferente foyeto.
Pa mas informacion por
tuma contacto cu oficina
di IBiSA na telefon 582-
4987 of via email na
ibisa.aruba@gmail.com