Page 3 - Minister Otmar Oduber

AWEMainta Diaranson, 29 Juli 2015 7

DTP conhuntamente cu Polis ta continua cu

Accion severo contra
transportacion publico ilicito

DTP conhuntamente cu Cuerpo Policial pa

algun siman ta atendiendo cu man fuerte e
fenomeno di transportacion publico ilicito,
mihor conoci como taxi pirata.
Ta trata aki di esnan cu ta bin busca of hiba e
turistanan na nos Aeropuerto sin e permisonan
concerni.
Entre nan personanan cu tin permiso di T-
vergunning y autonan cu tin O-vergunning.

Recientemente a papia riba e maneho severo y
consecuencianan cu lo tin p’esnan cu ta prac-
tica transportacion ilegal.
Asina mes durante un control a gara algun
chauffeur cu no a tene nan mes na leynan
existente. Esnan cu tin O-vergunning of T-ver-
gunning y kier practica e funcion di taxi a ricibi
un aviso y si nan continua cu e practica aki,
nan permiso lo keda hala aden pa un periodo
di entre 2 pa 6 siman cu tur posibilidad di te
hasta perde nan permiso.

Durante e accion recien a constata te hasta un
bus di tour cu T y O vergunning cu tabata cobra
pa cabes pa un recorido.
DTP a para e bus aki baha e pasaheronan y a
yama 6 taxi pa transporta e pasaheronan pa
nan destinacion. Cuerpo Policial na su turno
tambe a reparti algun boet.

DTP ta actuando tambe den e aspecto preven-
tivo unda ta para e turistanan prome cu nan
subi e vehiculo, notifica nan cu locual nan ta
haciendo no ta corecto y ta yama un taxi pa
hiba e turistanan na nan destinacion manera
mester ta.
Minister Otmar Oduber recientemente a anun-
cia e maneho fuerte aki contra taxi pirata y lo
continua cu e maneho di sero tolerancia den
transcurso di e simannan nos dilanti.

Por conta cu consecuencianan pisa unda lo por
yega te hasta n’e punto cu nan ta kita e vehiculo
for di e chauffeur, y aresto di esnan cu ta sigui
cu e maneho ilicito aki.
Aruba tin leynan tocante transporte publico
y tin taxi pa transporta esnan cu tin mester.
Esnan cu no tin permiso sigur lo por conta cu
consecuencianan menos agradabel.