Page 29 - 20Jan23

DIABIERNA 20 JANUARI 2023 DIARIO PAGINA 29
Polis a takel
un Nissan

Cube pasobra

chauffeur
a staciona

basta malo

ORANJESTAD (AAN):
Tabata Diasabra atardi pa
5:40 pm cu un unidad di
Polis di Strandpolitie ta
pasando riba e caya pa-
zuid di Palm Beach Plaza
Mall, y aki a bin topa cu
un Nissan Cube color
beige basta mal staciona.
Polis a baha pa check
e auto, y esaki ta full na
lock. E capa di motor
ta frieu, esey nifica cu e
Nissan aki ta basta rato
para eynan.
Un oficial di Security
di e Mall cu a mira Polis
a yega cerca. El a indica
na agentenan cu e chauf-
feur hopi rato pasa a para
eynan y a bay laga e auto
atras.
Polis a bay check e
plachi number, y esaki
ta registra na nomber di
P. Pa colmo, a sali na cla
cu e plachi number no a
wordo paga pa aña 2022.
Esey a duna Polis me-
sora luz berde pa takel e
auto cu ta mal staciona
aki, y cu aña pasa no a
paga belasting. E auto
a wordo kita di eynan, y
poni na Warda di Polis na
Shaba.
Riba Diadomingo 15
di Januari 2023 banda di
10:30 am, e doño di ini-
cial P. a yega na Warda
di Polis y a pidi informa-
cion di su auto cu tabata
staciona cerca di Palm
Beach Plaza. Asina a
dune informacion di e
Nissan Cube beige aki a
wordo kita cu takelwagen
debi cu e ta mal staciona,
y su plachi di number no
a wordo paga pa 2022.
Nan a splike cu e tin di
paga pa e costo di takel-
wagen. El a bisa cu Di-
aluna e lo pasa bin paga e
costo di takelwagen.