Page 3 - AVB

CU DETERMINACION LEONUAR CROES A

BIRA “GOAL GETTER” DEN LIGA JUNIOREN

15/06/2017 Admin Uncategorized Leave a comment

ORANJESTAD, Aruba – E aña aki Minister di Salud Publico, Cuido di Nos
Grandinan y Deporte, Dr. Carlos “Alex” Schwengle hunto cu AVB y Fundacion
Lotto pa Deporte a organisa un celebracion pa e team campeon di e liga
Junioren, pero hunto cu nan a invita e hungado cu a anota mas gol den e
campeonato, cu a resulta di ta Leonuar Croes di e ekipo di Riverplate.Leonuar
Croes a anota 12 pa 13 gol y esaki ta prome biaha cu el a gana e trofeo di “goal
getter” di cual e ta contento pa cu esaki y cu el a haya e oportunidad di hiba su
team di Riverplate te kwart final. “E deporte di futbol ta mi pasion y pa mustra
esaki mi a pone un tattoo di e bala di Champions League”, asina Leonuar Croes a
bisa orguyosamente. El a cuminsa hunga futbol den e Division Mayor cu su
15/16 aña y desde e momento ey el a hunga cu Riverplate, pero desde chikito
den su bario el a cuminsa hunga zaalvoetbal.Esaki tabata e ultimo aña cu
Leonuar Croes a hunga den Division Junioren y e ta contento di e resultado pe
team. “E aña aki mi a duna tur di mi banda pa Junioren pa motibo cu esaki
tabata mi ultimo aña. Mi no por a hunga mas den e campeonato pasobra e di 2
wega di e play-off mi a ricibi un carchi cora. Pero mi ta hopi contento cu e
resultado di e campeonato”, Leonuar Croes a indica.Te cu awo Leonuar Croes lo
sigui hunga cu Riverplate y e no sa si mas dilanti si otro team lo kier pe hunga cu
nan y e lo mester mira esey, pero si no ta asina e lo keda hunga cu su team
Riverplate. Un meta cu Leonuar Croes tin ta pa yuda Riverplate yega play-off den
Division Honor, pasobra nan tin hopi aña sin yega un play-off y final. El a
conseha e hobennan pa nunca “give up” y pa nan sigui cu nan meta cu nan kier
logra y semper na prome luga kere den Dios.Minister Alex Schwengle a entrega
Leonuar Croes su trofeo di hungado cu mas gol anota di e campeonato y a haci
esaki den presencia di Presidente di AVB, Ing. Richard Dijkhoff, Fundacion Lotto
pa Deporte, ASU, invitado- y hungadonan di RCA.

“Mi ta contento di mira con Leonuar Croes a sobresali den futbol y pabien pa su
logro. Semper nos ta mira e banda negativo di e hobennan den media y di otro
banda nos no ta elogia nan pa cosnan positivo cu nan ta haci no solamente den
deporte, pero den tur otro aspecto”, Minister Schwengle a duna di conoce.
Minister Schwengle a desea Leonuar Croes exito den su careda di futbol.