Page 10 - ATA

sigur a conoce un expansion ya for di mas o menos 5 aña pasa, ta esun di Cura Cabay/Zeewijk y
besindario.

Mas o menos 2 aña pasa a cuminsa e di dos fase di e proyecto di Cura Cabay/ Zeewijk cu tabata a

base di e necesidad y anhelo cu tabatin di e piscadonan di e bario. Durante di diferente reunionnan cu
a wordo teni cu e piscadonan den e besindario, a bin dilanti cu nan tin e necesidad pa un caminda di
warda nan material/ekipo como tambe un pier mas moderno cu baño, cushina etc. Naturalmente

tambe un creacion di un infrastructura, contrario na loke e tabata e situaciom anteriormente.

E inversion total cu a wordo haci den esaki como tambe e beach di Zeewijk cu tambe a conoce henter
un adelanto, ta di algo mas cu 2 miyon florin. Combersando cu e piscadonan, nan ta masha contento
mirando cu awo e proyecto ta kedando cla, ainda falta diferente cos por ehempel iluminacion cu

mester bin.

Pa loke ta e proyecto di Cura Cabay/Zeewijk, bo tin e parti di beach di cu henter e bario ta masha

contento cu ne. Den e maneho di Ministerio encarga cu turismo anterior, a crea diferente facilidad pa
por dirigi su mes pa e pasaheronan crusero cual tabata pone hopi presion riba e hotelnan. Pa alivia
esaki, a crea diferente kiosko pa por ofrece servicio na e turista, watersport y henter e bario cu lo por
disfruta di dje. Cu un infrastructura bunita cu parkeo, baño , matanan, cu ta hacie un beach di calidad

halto compara cu e abandono cu el a conoce pa hopi aña. Awor e ta un joya di proyecto cu aworaki ta
kedando cla. Mi ta felicita henter e bario y habitantenan di e area, tambe piscadornan y hendenan di

pariba di brug. Esaki ta un proyecto similar na esun di Baby Beach cu a wordo realisa bou di maneho
di e Ministerio di Turismo anterior.

POR den proximo gobernacion Sector Primario

Lo crea infrastructura basico pa sector primario y stimula diversificacion economico pa beneficia nos

cunukeronan como tambe piscadonan y criadonan. Esaki pa medio di un maneho integral como
tambe uzo di tecnologia moderno. Mediante Fundacion Centro di Pesca Hadicurari lo intensifica e
programa di

construccion y renovacion di pier tur rond di Aruba (Noord, Playa, Barcadera, Spaans Lagoen,
Savaneta, Cura Cabay y San Nicolas) pa asina salvaguardia nos herencia y conscientisa encuanto
ofishi di piscado. Tambe lo restructura y reforsa Santa Rosa cu enfoke riba profesionalisacion como

tambe crea laso estrecho y fuerte cu agricultornan y piscadonan y lo introduci un sistema di permiso