Page 11 - UTILITIES 23 JUNE 2017

No ta inverti den proyecto cu nifica

aumento di tarifa di awa pa pueblo

Posted on 06/23/2017 11:17 am AST | Updated on 06/23/2017 11:18 am AST

ORANJESTAD - "Nos no ta inverti den proyecto caminda cu nos mester
pasa aumento di tarifa na comunidad. Mi por priminti nos comunidad cu
nos ta trahando riba dje. Na palabra director di WEB Aruba NV Luis
Oduber. Segun e director, WEB ta haciendo tur lo posibel pa minimalisa
mal uso di awa na Aruba. Ora cu tin lekkage, ta purba coregi esaki y busca
alternativa. Ta usando e sistema di RAS, Reliable, Affordable, Sustainable
den tur proyecto, pa controla si nan tin un prijs cu por mantene e tarifa
existente of reduci esaki.

OPERACION PA REDUCI DEPENDENCIA RIBA FUEL OIL

Aworaki ta instalando e almacenahe cu ta e siguiente paso den energia
renobable. Fin di e aña aki ora cu esaki ta den funcion, lo tin tanto bateria como
e flywheels funcionando. E sistema di automatisacion ta hayando un 'upgrade', y
na e momento ey, lo mira e fruto cu esaki ta bay saca. Despues di esey, por
determina si eventualmente tin rebaho di tarifa of no. A admiti cu na 2006 a haci
estudio y e tempo ey fuel oil tabata enemigo number uno di WEB. A dicidi e ora
ey cu tin cu haci un cambio y a dicidi cu mester a haci esaki den un forma

drastico. Prome cu 2006, WEB a opera practicamente tur tempo riba energia di
steam pa drai turbina di vapor y tambe produci awa. E costonan tabata subi
drastico, y a busca e alternativa den motornan recip y tambe e energia renobable
y cambia e proceso di produci awa. A haya haya un reduccion total di 2006 pa
aworaki di casi 42% di fuel oil ta wordo usa aworaki. Esey sinembargo no ta
nifica cu pueblo ta haya un rebaho e ora riba e cuenta di awa. "Esey ta pasobra e
inversionan tin cu wordo paga, y naturalmente ta sigui inverti pa garantisa e
suministro. E ta un proceso y no ta unda cu WEB kier ta ainda. "Ainda nos tin
boiler den servicio. Si antes tabata opera 7 boiler, awor ta opera 2 boiler normal,
y ora ta necesario ta start un di 3 boiler. E ta un sistema menos eficiente, pero
tin cu wanta esaki te ora cu bin un desicion diferente, segun e director di WEB a
sigui bisa.

OTRO LUNA BISTA RIBA GAS NATURAL