Page 47 - MIN.SJA APRIL 21

Lotto ta felicita e seleccion nacional di landamento cu nan tremendo resultado na
campeonato di CONSANAT, Lima Peru
Tuesday, 21 April 2015 13:46

Comparti

E Campeonato Sudamericano di landamento CONSANAT teni na e ciudad di Lima, Peru ta tras di lomba
unda nos seleccion nacional di landamento tambe a participa. Mester bisa cu un bes mas Aruba su
nomber a keda resona entre e paisnan grandi den Sur America.

E 9 landadonan di Aruba a gana un total di 10 medaya cual ta e mas hopi conkista pa un seleccion
nacional di landamento den e campeonato renombra aki. Nunca antes landamento no a logra asina hopi
medaya competiendo contra e miho landadonan hubenil di paisnan grandi manera Brasil, Argentina,
Chile, Colombia, Venezuela, Bolivia y Peru. Es mas pa prome biaha den historia un landado Arubano a
kibra un record di CONSANAT den persona di e hobencita Keeley Maduro kende a gana medaya di Oro
den 50m mariposa kibrando e record di CONSANAT cu tempo di 29.13.

Despues di a permanece pa mas di 21 dia den exterior, nos seleccion nacional di landamento a regresa
Aruba cu resultadonan mas cu satisfactorio obteni den dos diferente campeonato den nos region, prome
durante di e Caribbean Swimming Championships, CARIFTA y awor e Campeonato Sudamericano,
CONSANAT.
Un danki sigur na Lotto, e Loteria di Aruba pa medio di Comision di Subsidio cu a subsidia ambos biahe
di e seleccion nacional di landamento di Aruba.
Cumprando weganan di Lotto, e Loteria di Aruba bo ta contribui na deporte riba nos isla. Meta di e
fundacion ta pa organisa loteria, cambia bida di su hungadonan y na mes momento inverti den deporte
local pa medio di donacionnan na e comision di subsidio.

http://www.24ora.com/local-mainmenu-5/94349-lotto-ta-felicita-e-seleccion-nacional-di-landamento-
cu-nan-tremendo-resultado-na-campeonato-di-consanat-lima-peru