Page 9 - HOH

4 LOCAL AWEMainta
Dia Mundial di Salud Mental
Silencio cu a reina ayera pa topico importante aki tabata “teribel”
yera 10 di October, rond mundo a celebra Dia di Salud
AMental y ta di lamenta e falta di atencion cu a reina aki
na Aruba riba e topico aki, caminda instancianan cu a spe-
ra cu nan lo sikiera a haci un esfuerso pa pone atencion na
e situacion dificil aki cu hopi hende aki na Aruba ta con-
frontando, tabata teribel.
Pa colmo net ayera cu ta riba Dia Mundial di Salud Mental,
comunidad di Aruba a wordo sacudi pa un caso hororoso
caminda un homber di inicial J.P.C. a causa destruccion
banda di 4’or di marduga na un ‘barbershop’ na Macuarima
y su acto a wordo graba cu camara di siguridad.
Dos ora despues banda di 6’or, e mesun persona aki a
subi tereno di un compania caminda tambe el a ser graba
tratando di bay c’un truck for di e compania pero no a logra.
Sinembargo algo rato despues na salida di solo, el a yega
na un cas na Santa Cruz, caminda el a herida dos habitante
di e cas c’un arma blanco, lagando ambos persona seria-
mente herida prome di a bandona e sitio pero polisnan a
logra pone man riba dje y a hib’e cera.
Ainda no ta conoci di con el a comete e crimen aki pero tur
cos ta indica cu aki tambe ta trata di un persona, cu a pesar
cu e tin un pasado criminal y cu el a bay cera caba na KIA
pa actonan di violencia cometi, su comportacion tambe ta
dunando indicacion cu aki ta trata di un persona cu prob-
lema mental.
Realmente a spera mas reaccion, a spera mandatarionan
sikiera tuma un tiki tempo y papia cu pueblo papia riba un of
otro programa cu gobierno lo tin pa atende cu e topico deli-
cado y importante aki cu ta salud mental.
No ta tur hende cu ta sufri di un of otro situacion cu nan salud
mental ta violento, ya cu depresion tambe por ta horibel pa
hopi hende ya cu nan ta pasando den situacionnan dificil
caminda nan mes no ta compronde di con y pakico nan ta
haya atake di panico, atake di soledad, un desesperacion cu
pa nan mes ta inexplicabel, corda pa famianan cerca di nan.
Nan bida ta existi di momentonan bon pero tambe di momen-
tonan sumamente delicado y di desesperacion y ta di lamenta
cu tin cu constata cu hendenan cu tin problema mental, ta
wordo isola y bandona, hasta pa nan propio famia.
Na varios scol aki na Aruba, ta ser constata studiantenan
hoben, actuando straño, comportando nan mes den un
forma cu maestronan mes no sa kico pa haci y ta tristo pa
menciona cu algun di e studiantenan aki, ta bandona scol y
hasta algun ta den KIA na e momentonan aki, ya cu nan a
Diaranson, 11 October 2023
comete actonan cu ningun hende por descifra.
Ta bisto cu ora cu un hende comete un acto dramatico contra
su mes, caminda algun a yega na e un momento cu nan no
a mira salida mas riba e mundo aki, ta dicidi di bandona e
mundo aki, lagando famia y sernan keri babuca atras, sin
splicacion y hustificacion.
Depresion manera cu mayoria di hende conoce, por ta algo
horibel, cu ta rekeri hopi atencion di esunnan mas cerca di
un persona asina, kendenan tampoco sa kico pa haci, kico
nan tin cu bisa of con nan por yuda nan ser keri, reacciona y
alivia su mes di e presion inmenso cu ta pasa den su cabes.
Hopi ta insisti cu na momento c’un persona cu tin depresion
tin cu papia cu nan, ta dificil pa determina ta kico tin cu bisa
un persona asina algo, cu e por reacciona y domina e depre-
sion cu e ta sinti na cualkier momento.
Den hopi cas di famia rond di Aruba, tin e tipo di situacionnan
aki caminda no solamente e persona cu ta ser confronta cu
su depresion pero henter e famia ta sufri pa esaki y lamen-
tablemente den hopi di e situacionnan aki, e hendenan aki
ta wordo isola, loke ta haci nan situacion ainda mas pio, ya
cu e sosten moral ta sumamente necesario na momento cu
nan ta pasa den un of otro crisis.
A spera mas ayera di e Dia Mundial di Salud Mental pero a
parce cu net e instancianan cu mester a sali dilanti y hiba
un campaña di conscientisacion riba e particularidad aki,
a dicidi di tuma un dia liber, kisas pa motibo cu nan no ta
bibando den e tipo di situacionnan aki y nan conocemento
mas tanto ta hopi distancia di e cruel realidad aki.
E momento e yega pa duna mas atencion na e topico di salud
mental, ya cu si nos kere cu tumando calmante pa controla
e momentonan aki, nos ta hopi aleha di e realidad di salud
mental!!!