Page 22 - AAA

Augustus 21, 2017
www.awemainta.com
www.facebook.com/awemainta
noticia@awemainta.com
583-1400

CAPITAN DI AVION TA

NENGA UN PASAHERO

DI ABORDA SU AVION,

PA MOTIBO CU

E TABATA SUSHI

DURANTE siman cu a pasa nos a haya e siguiente caso: Un turista
Americano, aparentemente placa lo a caba cune y a wordo poni porta afo
for di unda e tabata hospeda.
Algun dia pasa Polis a top’e drumi na un caminda riba Linear Park, pues di
malo mes e ta. Su suerte tabata cu e no a wordo atraca, aunke si nan lo no
a haya nada paso placa a caba.
Diabierna mainta capitan no ta permiti e pasahero aborda avion.

El a yega Aeropuerto tempran diabierna mainta, pasobra e dia ey e ta mester
a bolbe su pais.
E problema tabata cu, e tabata tur sushi y su pañanan den su maleta tabata
muha y tabata saca un hole hopi desagradabel. Varios pasahero a cuminsa
keha y puntra cu si e homber ey tambe mester bay den avion cu nan.
E Capitan di e aerolinea ora a wordo poni na altura di e caso aki y na su
turno mesora a nenga e homber pa subi su avion.

Polis mester a cay aden, transportwagen a yega Aeropuerto y a duna e turista
Mericano un lift pa warda.
Pero e biaha aki nos Polisnan di bon curason a dun’e turista un man, nan
a yud’e cu paña limpi p’asina e por a biaha pa su pais cu ta Estados Unidos
bek, despues di a duna oportunidad p’e baña prome.