Page 2 - AWE MAINTA 19 JUNE 2017

2 AWEMainta Dialuna, 19 Juni 2017

Morto di e comerciante

Gerald Luidens a conmove
tur esnan cu a conoce

TABATA diasabra atardi pa 6.30 cu Central di Polis

ta haya informacion cu un persona mester a fayece na
altura di veld di Caribe Club. Esaki na momento cu
e tabata trahamento riba un billboard na Camacuri,
banda oficina di Budget Carrental, un testigo a mira
cu un homber a keda electrocuta.
Por a mira un flash masha skerpi, y despues por a
mira huma preto a bin abao, y asina e waya a cay riba
e auto di e victima.

Kico a pasa, oficialmente no sa, pero informacion cu
por a haya n’e sitio ta indica cu e persona ey, lo a bay
traha riba un billboard, haciendo uso di un man-lift,
ora cu el a wordo electrocute y a fayece al instante.
Despues a haya sa cu ta trata di e conocido comer-
ciante, propietario di su negoshi Fast Signs, Gerald
Luidens (51 aña).
For di momento cu su nombra a circula, masha hende,
sigur esnan cu a conoce, a keda conmovi cu su morto.

Gerald Luidens ta casa cu COO di ATA, sra. Sanju
Luidens Daryanani. Pa 8:15 dr. Dirkz a constata su
morto despues cu logra bah’e for di e situacion cu el
a keda aden. Debi n’e alto voltage di coriente, esaki
tambe a kima e sistema di e man-lift, pa cual mester
a busca expertonan pa bah’e.
Manera menciona, no ta conoci kico a bay robez cu
a nifica final cruel di Gerald Luidens.
E situacion aki ta haci e caso mas tristo, ora cu si-
man pasa Gerald Luidens a presencia graduacion di
su yiunan na Colegio Arubano.
Asina cu Polis a yega n’e sitio, a sigui mira presencia
di Ambulance, Cuerpo di Bombero, NV Elmar y DTI
a yega n’e sitio pa duna un man.
Paz na su restonan y hopi forsa na henter famia,
specialmente na su sra. Sanju y su mama, Mavalda.