Page 22 - AWE MAINTA 19 JUNE 2017
P. 22
22 AWEMainta Dialuna, 19 Juni 2017
Aruba Bank sumamente contento di por a atende tatanan
Hopi tata a pasa na e
Pop – Up Barbershop
den Caya Betico Croes
DIASABRA, 17 di juni, Aruba Bank hunto cu The
Man Cave Barbershop tabata den Caya Betico Croes
cu e Pop – Up Barbershop. Desde trempan tatanan
tabata wardando p’asina nan por a haya un “haircut”
nobo of e estilo cu nan tabata desea.
Manera mamanan a ricibi un trato special, e tatanan
tambe a ricibi e trato special aki di Aruba Bank.
Tatanan a pasa un momento agradabel, mientras cu
mama y yiunan tabata cana den Caya Betico Croes y
buscando e miho regalo pa papinan. Tatanan tabata
contento di e oportunidad ricibi y di cual 65 tata a
haya nan “haircut” gratis.
Tatanan a cuminsa haya nan “haircut” desde 12:00
di merdia te cu 5:00 PM. Aruba Bank ta contento di
mira e cantidad di tata cu a presenta na e Pop – Up
Barbershop y a desea cada tata un feliz Dia di Tata.
