Page 2 - flip

Minister di labor Paul Croes a anuncia e servicio di Citgo
desk pa tur trahador local

Sunday, 14 February 2016 19:02
Tweet
Comparti

Despues cu pa varios luna caba negociacionan ta andando cu Citgo pa cu reapertura di e refineria, un
biaha mas conforme minister de meza y tambe comision di expertonan na aruba cu ta den e
negociacionnan aki, ta duna di conoce cu negociacionan keto bay ta andando den un forma hopi positivo.

Bisando esaki por spera cu nos ta yegando mas serca di e firmamento di e " Definite Particiaption
Agreement" entre gobierno di Aruba y citgo caminda cu for di esaki lo mira e reapertura di e upgrader di
e refineria Citgo aki na Aruba.
Mirando reunionnan den un atmosfera positivo andando minister di labor a mira e necesidad pa
implementa un Citgo desk. E idea primeramente tras di e Citgo desk ta pa duna apoyo na tur trahador
local cu ta interesa pa na un cierto momento drenta y labora den e refineria.
E citgo desk lo ta operacional pero ya a hanja reactionnan sumamente positivo. Trahadornan di
departamento di labor, cu ta esnan encarga pa duna e servicio aki, a cuminsa hanja yamadanan
international for di p.e. Tnidad, Vietnam y Saoudi Arabia di arubianonan interesa pa bin bek nan isla
natal pa contribui cu progreso di nan pais. Despues di ciere di e refineria hopi di e personanan aki a
hanja nan mes ta labora den un otro pais mirando posibilidad cu a keda presenta na nan di otro
refinerianan, sinembargo awor ta e oportunidad pa bin cas bek. Analisando e situacion, Minister Croes ta
hopi satisfecho cu e hecho aki como cu e intencion primordialmetne di e citgo desk enberdad ta pa
personanan cu un of otro specialisacion por traha den e refineria na nan propio cas. Por medio di e citgo
desk ta duna un y tur e apoyo necesario pa por yega den contacto cu e H.R. di citgo y haci esaki posibel.
Sinembargo, esaki no ta kita afo e posibilidad pa trahadornan por bay directamente y aplica na
contractor of subcontractornan ora cu nan cuminsa opera den e refineria na debido tempo ora e
operacion ta andando. Mientrastanto un y tur cu tin e interes pa labora den e refineria lo por acudi na e
citgo desk y ricibi e informacion y asistencia necesario pa haci esaki posibel

http://www.24ora.com/politica-mainmenu-18/105286-minister-di-labor-paul-croes-a-anuncia-e-
servicio-di-citgo-desk-pa-tur-trahador-local