Page 28 - AAA

El a conta cu ora e yega na e pais anfitrion, e ta percura pa bishita mas tanto cas cu e por,

unda cu nan ta acomoda e clientenan for di Aruba. E ta bayendo bon, segun Wilson.

E ta haya si cu si hiba 16 persona y haya 1 bek, a haci un bon trabao. Ta strañ’e cu di

esunnan cu ta double trouble, nan ta kedando clean. Na Moko, na Cas Speransa, tin como

3 y nan ta hopi rustig.

Ta acerca adictonan

Nan ta acerca adictonan riba caya y ta motiva nan pa cambia, aunke ta nan decision.

Wilson a splica cu e ta duna nan oportunidad, duna nan su experiencia y ta mustra nan cu

tin un otro manera di biba. E no tin nada contra di ningun rehab, pero tur esunnan cu e ta

acerca, a bay na rehab na Aruba mes 8 pa 9 biaha, pero por purba otro cos. Wilson ta

menciona cu e no ta worry si e persona recupera of no, pero si bay Republica Dominicana

na momento cu oportunidad habri, no por bay nunca mas. E programa ta hopi disciplina.

Situacion riba caya

E situacion riba caya ta preocupante. For di 2007 e tabata papiando di lanta un crisis team

y ataca. A hunga hopi wega cu adiccion politicamente. Esaki a bay for di man, pero

Wilson no a give up. Awor aki e miedo cu e tin ta cu e malesanan di caya, vooral HIV, ta

presente entre adictonan. Esaki ta un reaccion den cadena. Pesey un crisis team ta

necesario. Tin e hubentud den background cu a yega cu un otro mentalidad.

Wilson tabata haci streetcorner worker den pasado, pero nan a para esaki. Aruba tin cu

habri esaki bek. Nos tin hopi adicto cu ta recuperando, por sali riba caya, y yuda otro.