Page 29 - KPA
P. 29
ORANJESTAD(AAN): — Diadomingo, pa mas of menos 10 pa 6 mainta, patruya di Noord a
wordo dirigi na un cas den Caya Dansa, caminda lo tin un homber canando cu cuchio den
man den e cura di cas.
Mesora patruya a mobilisa nan mes na e sitio menciona. Na e sitio, personanan cu ta biba
den e apartamento parti patras di e cas, ta conta polis cu tabata tin un fiesta, cual a caba.
Despues un homber a bin cu un cuchio den man y a cuminsa bora e porta di e apartamento
cu un cuchio. Ora cu polis a bay controla rond di e cas, nan no a topa cu e homber
menciona. Na dado momento cu un miembro di prensa a yega na dicho adres, el a bin topa
cu un homber ta sali core bay direccion nort y a core sconde.
Un di e polisnan, hunto cu e miembro di prensa, a cuminsa busca rond den e vecindario y a
bin logra topa cu e individuo aki, scondi bao di un pickup di e bisiña den bario. E homber a
bira agresivo cu polis, pero a bin logra domin’e. E tabata bao di influencia di un of otro
substancia y no tabata kier a coopera.
E homber a keda deteni, pa motibo cu muy probablemente e homber aki tabata esun cu a
bora e porta di e apartamento cu e cuchio.
