Page 16 - AAA

18 AWEMainta Diamars, 21 Juni 2017

Presidente di Aruba Taekwondo Bond y Presidente di Lotto pa Deporte

A despidi di Monica Pimentel y su coach

kendenan a bay Korea pa representa Aruba

n’e campeonato mundial na Muju, Korea

DIADOMINGO ultimo Monica Pimentel y
su coach Teofilio Rodriquez a biaha pa Korea
pa participa n’e campeonato mundial di Tae-
kwondo na Muju, Korea.
Monica Pimentel a caba di trece un medaya
di Brons pa Aruba for di Colombia y ta cla p’e
campeonato mundial na Korea, segun su coach.

Sr. Theofilio Rodriquez a train Monica Pimentel
dos biaha pa dia p’asina Monica Pimentel ta
bon prepara p’e campeonato mundial aki cu ta
importante p’e por logra drenta e Grand Prix
cu ta tuma lugar na Russia na luna di augustus
awor.

Dr. Guaicaipuro Jimenez, Presidente di Aruba
Taekwondo Bond ARTBO tabata presente pa
duna su apoyo n’e delegacion di Aruba cu a
biaha pa Korea.

Dr. Guaicaipuro Jimenez ta para duro tras di
tur e atletanan cu ta representa Aruba interna-
cionalmente y semper ta conta cu medayanan
internacional. Sr. Di-Estefano Wernet RA,
Presidente di Lotto pa Deporte tambe tabata
presente pa deseanan tur clase di exito na Muju,
Korea.
Monica Pimentel ta bringa den e categoria di
-53 kilo y esaki lo tuma lugar e siman aki.