Page 6 - RIU PALACE FLIP - BARTENDERNAN - 15 AUG 2017
P. 6
BARTENDER PROFESIONAL Y MIXOLOGIST DI ROMAR TRADING &
DIAGEO, ERICK BUSTAMANTE BARTENDERNAN DI RIU PALACE ANTILLAS
A RICIBI TECNICA NAN PROFESIONAL PA HACI COCKTAILS
August 14, 2017 Admin Uncategorized Leave a comment
ORANJESTAD, Aruba: E bartendernan di Riu Palace Antillas a ricibi un tayer
hopi special di Erick Bustamante, un di e “mixologist” mas importante na
Aruba. Erick ta un profesional pa 12 aña y actualmente ta trahando como un
“mixologist” na Romar Trading y Diageo. El a ofrece e curso aki di “Bartender
Workshop” na un cantidad grandi di trahadonan cu ta traha na e barnan di Riu
Palace Antillas.
Durante e curso aki e empleadonan di Riu Palace Antillas a ricibi informacionnan
y tecnica di cocktail y bebida. Tambe con pa personalisa e bebida di cada cliente
pa por duna un servicio ainda mas excepcional.
Aruba ta un isla turistico y miles di persona ta bishita nos henter aña, p’esey ta
importante cu e bartendernan ta den les constantemente pa nan por keda
mehora nan tecnica nan. E obhetivo ta pa duna e miho calidad di servicio na
huespednan pa asina cu e turistanan cu ta bin bishita nos bunita isla por disfruta
por completo di nan estadia.
