Page 14 - AM200622
P. 14
14 AWEMainta Dialuna, 22 Juni 2020
Accidente cu personanan herida riba Belgiëstraat
DIASABRA merdia pa atardi algo pasa di 3’or, un
accidente cu hende herida ta sosode na altura di veld
di Riverplate. Na yegada di Polis, nan a bin topa un
Chevrolet Tahoe y un SUV color shinishi.
Polis na yegada a constata cu tin tres persona herida.
Mesora Polis a pidi pa Ambulance.
Na yegada di Ambulance, un di esnan herida no tabata
kier asistencia medico. Despues di basta papiamento
y splicacion cu si algo pasa e persona despues ta riba
su mesun responsabilidad. Asina e persona a dicidi di
acepta p’e wordo atendi p’e Paramediconan.
E accidente mes a sosode momento cu e Tahoe tabata
bayendo zuid y via Ierlandstraat, e SUV shinishi subi
caminda cu e consecuencianan ya menciona. Ambos
auto a ricibi hopi daño material.
