Page 32 - AHATA

ORANJESTAD (AAN): Tisa LaSorte, CEO di Aruba Hotel and Tourism Association
(AHATA) a laga sa cu un consultor di Israel ta biniendo Aruba pa realiza un analisis y pa
traha riba kico mas por haci pa loke ta seguridad den sector turistico aki na Aruba.

A splica cu Aruba Hospitality Security Foundation ya caba a cumpra un set basta grandi
di camaranan adicional. Nan a yega Aruba y ta algo cu a palabra cu anticipacion.

Aruba Tourism Authority (ATA) a laga pone mas luz den e sector di hotelnan banda di

caminda y ta wak si mester di mas.

E camaranan a yega Aruba y ta wardando pa e fase di instalacion., LaSorte a señala.

Esey tambe a pasa henter un proceso di coordinacion cu sector priva pa conecta algun
camara cu otro, a laga sa.

Tisa LaSorte a menciona cu AHATA no tin autoridad pa bay cada hotel y coordina e parti

di persona pa loke ta seguridad. Pero ta trahando riba e parti si di training cual tin e
meta pa haci cada persona mas efectivo den su trabao.

Ta cuminsa cu training pa e team di seguridad y e coordinacion cu polis. Polis tambe ta

bay ta envolvi den e training. Esaki ta basa riba prevencion, a señala.

E idea ta cu despues di tempo ta cuminsa train mas hende. No solamente e security
guard pero por ta tambe e personal cu ta atende cu e piscina. “Bo ta crea mas wowo

sabi. Anto mas wowo den e areanan ey ta yuda bo cu bo por preveni mas. Esey ta
simplemente e idea bao di dje”, e ehecutivo di AHATA a duna di conoce.

https://www.diario.aw/2020/01/a-cumpra-un-set-grandi-di-camara-pa-instala-den-area-di-hotelnan/