Page 17 - UTILITIES
P. 17
Elmar: No ta permiti bandera of borchi
politico na palo di luz
Posted on 08/3/2017 11:44 am AST | Updated on 08/3/2017 10:48 pm AST
ORANJESTAD - Mescos cu ta sosode durante cada eleccion, partidonan politico ta opta
pa sea pega bandera of hasta borchi politico na palonan di luz of palonan di sosten di
waya di coriente. Separa cu NV Elmar no ta duna permiso na ningun partido pa haci tal
acto, e ta un acto masha peligroso. Algun aña pasa tabatin hasta consecuencia fatal, pues
ta haci un apelacion serio pa no haci esaki.
Den caso cu tecniconan di NV Elmar topa cu material di propaganda politico, of te hasta
propagandanan comercial, lo kita nan y hiba nan na oficina di NV Elmar pa e doñonan
pasa busca si ta desea.
NV Elmar ta haci un apelacion fuerte riba organisacionnan politico pa por fabor abstene
di uza propiedad di nos compania nacional di distribucion di coriente, pa metanan di
promocion politico. Ta gradici di antemano pa e consideracion y comprension.
