Page 5 - UTILITIES

4 AWEMainta Diabierna, 4 Augustus 2017

Otmar Oduber:

Paradera y Piedra Plat a conoce un cara nobo

y atencion unico durante ultimo añanan

AWOR en adelante henter comunidad y specialmente habi-
tantenan di Piedra Plat y vecindario lo disfruta di e proyecto di
Paradera Corridor cu ta inclui e rotonde na Bright Bakery.
Henter e proyecto ta forma parti di embeyecimento di Paradera/
Piedra Plat, cu ta yuda mehora producto Aruba, banda di e hecho cu
e careteranan ta un ader principal pa diferente atraccion na Aruba.

Awe tur hende cu ta biba y transita den e area por mira un cambio
grandi cu a wordo logra danki tambe na e contribucion di part-
nernan cu a mira e importancia di un proyecto asina y e trabou-
nan excelente di e compania BIC cu ta esun encarga pa realisa e
proyecto grandi aki.
Otmar Oduber ta indica cu e ta hopi contento y satisfecho cu e
logro aki cu ta no solamente embeyece e area di Paradera y Piedra
Plat, pero tambe ta un ventaha grandi pa loke ta seguridad y fluho
di trafico specialmente na loke tabata e crusada di Bright Bakery.

Actual lider di POR tabata e Minister cu a carga e proyecto di
Paradera Corridor for di su fase inicial te cu su retiro for di Gabi-
nete Mike Eman II y su salida for di AVP.
Durante e periodo aki a finalisa e prome y di dos fase di e proyecto
y a inicia e fase tres cual ta conduci cu awe ta entrega e rotonde
cla. Ta keda falta solamente e ultimo fase di Paradera Corridor
cu lo mester yega te na entrada di Santa Rosa. Ta felicita henter
pueblo di Paradera y Piedra Plat cu e e realisacion di e proyecto.