Page 48 - ATA

Mercado di Colombia ta sigui di ta un di e mercadonan cu
proyeccionnan relativamente positivo

Wednesday, 08 March 2017 13:26
Comparti

Ronella Tjin Asjoe-Croes, CEO di ATA, a splica riba e eliminacion di visa, cual ta bay ta haciendo 1 aña cu
a wordo elimina for di Colombia pa pais Aruba. El a comenta cu pa turismo e ta hopi positivo.

Ta mir’e den cifra y den crecemento di mercado. Di ora cu a elimina visa, den base mensual, turismo di
Colombia a subi. Otro impacto positivo ta cu door cu turismo ta subi, tin mas demanda y ta mira e ora cu
aerolineanan tambe ta reacciona positivamente. Tabata tin e introduccion di Wingo, cu servicionan nobo
for di Bogota na December aña pasa y tin Avianca cu lo añadi un frecuencia entrante April di e aña aki.
Nan ta sigui e tendencia di un demanda sigur cu a incrementa. Hopi importante ta tambe pa realisa cu sa
cu semper tabata tin diferente preocupacion cu e mercado di Colombia tambe y ta conciente di esey. ATA
no por midi for di e base di bishitantenan cu ta drenta, sigur cua ta bin pa motibonan etnico of cua ta
bishitantenan tradicional, pero ta reconoce cu tin e trafico etnico cu ta yuda tambe.

Ta reconoce e hecho cu tin cierto preocupacionnan. Di locual cu ta midi sigur e ta un mercado creciente.
E ta un mercado cu ta resultando hopi bon y cu potencial pa atraccion di mas manera conferencia y otro
tipo di negoshi pa Aruba. E mercado di Colombia ta sigui di ta un di e mercadonan den Latino America
cu proyeccionnan toch relativamente positivo riba nivel economico y lo sigui bank riba esey basicamente,
segun Ronella Tjin Asjoe-Croes.