Page 7 - MIN.Mike De Meza
P. 7
AWEMainta Dialuna, 29 Juni 2015 13
Fraccion di AVP:
or” ta bon pa Aruba y pa pariba di brug
e argumentonan di MEP contra e “Green Corridor” ta corecto
segun e comision di experto.
En caso cu pa cualkier motibo fuera di alcanse di e
contratista of di Gobierno e costo lo por subi den futuro, ta
via presupuestonan di Gobierno tin cu ahusta e suma total.
Esaki ta loke a sosode den pasado tambe cu otro proyectonan
di Gobierno di MEP mes tambe!
MEP no ta haya cu mester di un caminda grandi y bunita pa
“pariba di brug” manera esun cu a traha pa bay hotelnan na
Palm Beach. (Sasaki plan). E argumento aki ta esun cu di
berdad MEP ta mas convenci didje.
Simpelmente MEP no ta kere cu henter e area di “pariba
di brug” y tur su habitantenan, negoshi y organisacionnan
social, merece un inversion asina grandi y un infrastructura
di caminda asina bon y duradero.
Esey ta nifica cu pa MEP “pariba di brug” mester keda atras
den desaroyo. E refineria cu ta susha medio ambiente y daña
nos salud si ta bon. Pero un desaroyo completamente nobo,
limpi, duradero y cu ta crea actividad economico y trabao
“pariba di brug” mes, no ta bale la pena segun MEP !
