Page 11 - AM220303

Diahuebs, 03 di Maart 2022|11

Un rato cu Cruz Cora

Cruz Cora Aruba ta responde na apelacion

di Cruz Cora Internacional

Cu e situacion humanitario cu ta dete-
riora rapidamente na Ukraina y paisnan
bisiña, Comision Internacional di Cruz
Cora y Federacion Internacional di Cruz
Cora tin miedo cu miyones di persona lo
enfrenta temponan hopi duro y lo sufri
sin acceso na asistencia humanitario. Pa
responde na e necesidad masivo aki, e
dos organizacionnan ta haci un apela-
cion hunto pa 250 Swiss Francs ($ 272
miyon). Esaki pa duna e asistencia cu tin
mester.
Den e proximo simannan, ICRC lo au-
menta trabounan pa reuni famianan cu
a wordo separa pa e guerra, lo provee
cuminda y otro articulonan di cas. Cruz
Cora tin un hotline na Ukraina y aki
hendenan ta pidi ayudo desespera. Pa
responde na e emergencia grandi aki,
teams di Cruz Cora mester por opera
di un manera sigur pa yega na e perso-
nanan aki. Tambe mester zorg pa curpa
di defuntonan wordo trata cu dignidad.
Trucks di awa ta yega serca pa suminis-
tra awa y mester aumenta esaki. Tambe
mester duna sosten na facilidadnan me-
dico y yuda cu ekipo y material di trabou
pa yuda tur cu ta herida.
Federacion Internacional di Cruz Cora
ta enfoka su mes na yuda esunnan mas
vulnerabel, incluyendo mucha cu no ta
acompaña pa un adulto, mama soltera
cu yiu, adultonan mayor y persona cu
limitacion. Lo inverti hopi den aumenta
capacidad di e team di Cruz Cora den
Ukraina y paisnan serca pa reenforza
accion humanitario. Ya caba a mobiliza
miles di voluntario y staff cu ta dunando
asistencia cu shelter, articulonan basi-
co di cuido, productonan medico, salud
mental y sosten psicosocial pero tambe
cu “cash assistance” na mas hende po-
sibel.
Cruz Cora Aruba ta uni su mes na e
apelacion di ICRC y IFRC, pesey awe ta
pone su cuenta di banco di emergencia
disponibel pa esun cu kier haci un do-
nacion monetario. Fondonan ricibi riba
e cuenta aki, ta wordo transferi pa Fe-
deracion Internacional di Cruz Cora pa
yuda cu e operacion enorme aki. E si-
tuacion ta empeora cada ora y tur ayudo
ta importante.
Red Cross Aruba
Aruba Bank # 0384010790
Yuda Nos Yuda Otro!