Page 9 - AVB

Cu e resultadonan aki e standing pa locual e Division Honor, ta keda SUPER
interesante. RCA ta solido na prome lugar, sigui pa Dakota cu tambe ta mustra
basta safe pa su clasificacion pa Play-Off. Pero entre e equipo nr. 4 Bubali y e
equipo nr. 9 La Fama, tin apenas 4 punto diferencia. Esey kiermeen cu tur cos
por bolter ainda. E weekend venidero e Campeonato ta sigui cu 4 wega. E wega
entre Bubali y Nacional a keda cancela (e wega aki lo wordo programa di
nobo.). Diabierna awor, 13 Maart e dos clubnan di Santa Cruz, Estrella y
Caravel lo enfrenta otro. Estrella ta na di 5 lugar cu 15 punto, mientras cu
Caravel ta na di 6 lugar cu 13 punto. Diasabra, 14 Maart lo tin 2 wega. Dakota
ta enfrenta La Fama y despues Britannia lo enfrenta United. Diadomingo lo tin
un solo wega, e Tricolornan RCA cu keto bay ta invicto lo enfrenta e Uptown
Boys di Brazil Juniors, cu tin un racha di 4 victoria sigui.

https://masnoticia.com/cos-birando-hot-den-campeonato-division-honor-di-avb/