Page 6 - MIN ON

Aruba y Hulanda a firma protocol di

igualdad pa hende muhe y LGBT

June 20, 2017 Local
Share this:

Minister di Enseñansa di Aruba Michelle Hooyboer-Winklaar hunto cu minister di Hulanda Jet

Bussemaker, minister di Enseñansa, Cultura y Ciencia a firma un acuerdo ayera pa mehora e posicion
di hende muhe y comunidad LGBT na ambos pais den Reino.

E tratado ta enfoca riba e aspecto di igualdad den mercado laboral, eliminacion di intimidacion sexual na
trabou, reduccion di embaraso hubenil y amplia aceptacion social y elimina discriminacion y violencia pa

esunnan den comunidad LGBT.

E convenio ta stipula diferente area di enfoke cu ta cuadra cu diferente tratado internacional firma pa Reino
Hulandes incluso Convention on the Elimination of Discrimination Against Women (CEDAW) y Universal

Declaration of Human Rights (UDHR) unda ta pone enfasis riba di combati discriminacion, violencia y
intimidacion.

Den un relato emiti, minister Hooyboer-Winklaar ta bisa: “Mi ta sumamente contento cu nos por a concretisa e

protocol aki, cu ta sirbi como un base pa sigui traha y colabora cu Hulanda riba diferente aspecto importante di
hende muhe. Esaki ta nos compromiso no solamente cu Nacionnan Uni, cu e comision cu ta traha riba

derechonan di hende muhe, pero tambe un compromiso cu tur hende muhe den nos comunidad pa nos por sigui
mehora diferente aspecto cu por afecta cualkier hende muhe den nan bida. Mi ta contento tambe cu nos ta

inclui e trabou cu nos tin cu haci como un pais pa enfrenta discriminacion cu ta tumando luga contra esunnan
den e comunidad LBGT.”