Page 13 - AWEMAINTA

Diabierna, 18 October 2019 AWEMainta 13

Awor cu e prome publicacion na ingles:

Benjamin Romero a entrega su buki na ATA

‘The Coffee Trade In Aruba’

MANERA ya ta conoci den nos comunidad, Benjamin Romero

a scirbi un buki tocante historia di comercio di koffie na Aruba
durante e siglo cu a pasa. E buki: ‘E negoshi di koffie na Aruba’ a

wordo publica pa prome biaha dia 6 di december 2016.

Personahenan clave envolvi den e comercio aki tabata entre otro
Carlos “Cay” Wolter, cu t’esun cu a planta e simia di e negoshi aki

na Aruba.

For di añanan 1950, Wolter tabata e pionero di e negoshi di koffie
for di nos isla pa exportacion cual a desaroya grandemente.

Hunto cu Wolter a cuminsa Lionel “Nel” Harms, pa cual Wolter a
sirbi como su mentor comercial cu e arte y trikinan pa cu negosha

koffie cu e Colombianonan, for di unda e koffie tabata yega Aruba.
E comercio di koffie na Aruba ta mustra nos e lasonan comercial

entre Aruba y Colombia cu ya pa hopi tempo tabata existi.

Un otro figura clave den e negoshi tabata David Cybul, un Colom-
biano cu a yega Aruba y a converti den un homber importante pa

cu comercio pa Aruba.

E buki interesante aki a haya bon acohida
na Aruba y na mei e aña aki, Romero a di-

cidi pa publica un edicion di e buki aki den
idioma Ingles, p’asina nos bishitantenan

tambe por conoce e storia aki y e historia di

Aruba.
Durante un bishita di cortesia, e autor lo-

cal Benjamin Romero kende porcierto ta

un periodista bon conoci na nos isla, a haci
entrega oficial di un ehemplar di su buki

titula ‘The Coffee Trade In Aruba ‘ n’e CEO

di Aruba Tourism Authority (ATA), Ronella
Tjin Asjoe-Croes.

Cu e publicacion aki, un diferente angulo
ta wordo comparti pa cu e historia di nos

cultura. Un angulo cu sigur A.T.A. lo usa

p’asina brinda otro bista di Aruba y nos cul-
tura y historia.